ਬੀਤੇ ਕਈ ਮਹੀਨਿਆਂ ਤੋਂ ਆਰਟੀਫਿਸ਼ਅਲ ਇੰਟੈਲੀਜੈਂਸ ਆਮ ਹੀ ਚਰਚਾ ਦੇ ਵਿੱਚ ਹੈ। ਆਰਟੀਫਿਸ਼ਅਲ ਇੰਟੈਲੀਜੈਂਸ ਨੂੰ ਅਸੀਂ ਪੰਜਾਬੀ ਦੇ ਵਿੱਚ ਬਣਾਉਟੀ ਬੁੱਧੀ ਵੀ ਕਹਿ ਸਕਦੇ ਹਾਂ ਤੇ ਸੰਖੇਪ ਵਿੱਚ ਦੋਵੇਂ ਬੱਬੇ ਲੈ ਕੇ – ਬੱਬ। ਬਣਾਉਟੀ ਬੁੱਧੀ ਦੀ ਵਰਤੋਂ ਕਰਦਿਆਂ ਮੈਨੂੰ ਕਈ ਤਰ੍ਹਾਂ ਦੇ ਪੱਖਪਾਤ ਨਜ਼ਰ ਆਏ। ਜੇਕਰ ਮੈਂ ਇਸ ਨੂੰ ਪੁੱਛਦਾ ਸੀ ਕਿ ਅਜਿਹਾ ਕਿਉਂ ਤਾਂ ਇੱਕੋ ਇੱਕ ਸਪਸ਼ਟੀਕਰਨ ਹੁੰਦਾ ਸੀ ਕਿ ਸਿਖਲਾਈ ਦੀ ਘਾਟ।
ਆਮ ਸ਼ਾਬਦਿਕ ਖੋਜਾਂ ਦੇ ਵਿੱਚ ਤਾਂ ਕੋਈ ਚੀਜ਼ ਇੰਨੀ ਪ੍ਰਤੱਖ ਨਹੀਂ ਹੁੰਦੀ ਸੀ ਪਰ ਇਹ ਪੱਖਪਾਤ ਮੈਨੂੰ ਇਹਦਾ ਜਿਹੜਾ ਡਾਲੀ ਪ੍ਰੋਗਰਾਮ ਹੈ ਉਹ ਦੀਆਂ ਤਸਵੀਰਾਂ ਬਣਾਉਣ ਦੇ ਵਿੱਚ ਬਹੁਤ ਨਜ਼ਰ ਆਇਆ। ਜਿਸ ਦੀ ਕਿ ਇੱਕ ਮਿਸਾਲ ਮੈਂ ਤੁਹਾਨੂੰ ਹੇਠਾਂ ਦੇ ਰਿਹਾ ਹਾਂ।
ਇਹ ਵੇਖ ਕੇ ਤੁਸੀਂ ਆਪ ਹੀ ਫੈਸਲਾ ਲੈ ਲਓ ਕਿ ਕਿੰਨੀ ਕੁ ਮਿਹਨਤ ਕਰਨੀ ਪੈਂਦੀ ਹੈ ਅਤੇ ਕੀ ਇਹਦੇ ਵਿੱਚ ਸਾਡਾ ਵੀ ਕੋਈ ਯੋਗਦਾਨ ਬਣਦਾ ਹੈ ਕਿ ਅਸੀਂ ਮਿਹਨਤ ਕਰੀਏ ਤੇ ਇਹਨੂੰ ਸਿਖਲਾਈ ਦੇਈਏ?
Attribution: All the images below were generated using AI, specifically OpenAI’s DALL·E.
ਸਭ ਤੋਂ ਪਹਿਲਾਂ ਮੈਂ ਇਹ ਲਿਖਿਆ ਕਿ ਇੱਕ ਸਿਖ ਪਰਿਵਾਰ ਦੀ ਤਸਵੀਰ ਬਣਾਓ ਜਿਸ ਵਿੱਚ ਸਾਰੇ ਬੈਠਕ ਵਿੱਚ ਬੈਠੇ ਹੋਏ ਹਨ ਤੇ ਆਪੋ ਆਪਣੇ ਮੋਬਾਈਲ ਤੇ ਰੁੱਝੇ ਹੋਏ ਹਨ। ਪਿਛੋਕੜ ਵਿੱਚ ਦਰਬਾਰ ਸਾਹਿਬ ਦੀ ਤਸਵੀਰ ਹੋਣੀ ਚਾਹੀਦੀ ਹੈ।
ਮੈਂ ਇਸ ਨੂੰ ਦੁਬਾਰਾ ਕੋਸ਼ਿਸ਼ ਕਰਨ ਲਈ ਕਿਹਾ ਕਿ ਘਰਵਾਲਾ ਘਰਵਾਲੀ 30ਵਿਆਂ ਵਿੱਚ ਹੋਣ ਤੇ 9 ਸਾਲ ਦਾ ਮੁੰਡਾ ਹੋਵੇ ਤੇ 7 ਸਾਲ ਦੀ ਕੁੜੀ।
ਮੈਂ ਇਸ ਨੂੰ ਕਿਹਾ ਕਿ ਦੁਬਾਰਾ ਕੋਸ਼ਿਸ਼ ਕਰ, ਮੁੰਡੇ ਦੇ ਸਿਰ ਤੇ ਜੂੜਾ ਹੋਣਾ ਚਾਹੀਦਾ ਹੈ ਤੇ ਪਟਕਾ ਬੰਨ੍ਹਿਆ ਹੋਣਾ ਚਾਹੀਦਾ ਹੈ।
ਮੈਂ ਇਸ ਨੂੰ ਕਿਹਾ ਕਿ ਦੁਬਾਰਾ ਕੋਸ਼ਿਸ਼ ਕਰ, ਮੁੰਡਾ ਸੋਫੇ ਤੇ ਹੋਣਾ ਚਾਹੀਦਾ ਹੈ ਤੇ ਦਾੜ੍ਹੀ ਕਿਉਂ? ਮੁੰਡੇ ਦੀ ਦਾੜ੍ਹੀ ਹਟਾਓ।
ਮੈਂ ਇਸ ਨੂੰ ਕਿਹਾ ਕਿ ਦੁਬਾਰਾ ਕੋਸ਼ਿਸ਼ ਕਰ, ਸੋਫੇ ਵਾਲ ਮੁੰਡਾ ਹਟਾ ਦੇ ਬਾਕੀ ਸਭ ਠੀਕ ਹੀ ਲੱਗਦਾ ਹੈ।
ਬਣਾਉਟੀ ਬੁੱਧੀ ਨੇ ਸਾਰਾ ਕੁਝ ਉਲਟ-ਪੁਲਟ ਕਰ ਦਿੱਤਾ। ਮੈਂ ਇਸ ਨੂੰ ਕਿਹਾ ਕਿ ਨਵੇਂ ਸਿਰਿਓਂ ਦੁਬਾਰਾ ਕੋਸ਼ਿਸ਼ ਕਰ, ਕਿ ਘਰਵਾਲਾ ਘਰਵਾਲੀ 30ਵਿਆਂ ਵਿੱਚ ਹੋਣ ਤੇ 9 ਸਾਲ ਦਾ ਮੁੰਡਾ ਹੋਵੇ ਤੇ 7 ਸਾਲ ਦੀ ਕੁੜੀ। ਪਿਛੋਕੜ ਵਿੱਚ ਦਰਬਾਰ ਸਾਹਿਬ ਦੀ ਤਸਵੀਰ ਹੋਣੀ ਚਾਹੀਦੀ ਹੈ।
ਮੈਂ ਫਿਰ ਦੁਹਰਾਇਆ ਕਿ ਮੁੰਡੇ ਦੇ ਸਿਰ ਤੇ ਜੂੜਾ ਹੋਣਾ ਚਾਹੀਦਾ ਹੈ ਤੇ ਪਟਕਾ ਬੰਨ੍ਹਿਆ ਹੋਣਾ ਚਾਹੀਦਾ ਹੈ।
ਉਪਰੋਕਤ ਤਸਵੀਰ ਵੇਖ ਕੇ ਮੈਂ ਕਾਫ਼ੀ ਦੇ ਮਗ਼ਜ਼-ਪੱਚੀ ਕਰਦਾ ਰਿਹਾ। ਚੰਦਾ ਭਰਿਆ ਵਾਲਾ ਗਾਹਕ ਹੋਣ ਕਰਕੇ ਮੈਂ ਇਸ ਨੂੰ ਲਗਾਤਾਰ ਬਿਨਾ ਕਿਸੇ ਰੋਕ ਦੇ ਨਿਰਦੇਸ਼ ਦੇ ਸਕ ਰਿਹਾ ਸੀ। ਵਿਚਕਾਰਲੀਆਂ ਹੋਰ ਤਸਵੀਰਾਂ ਤਾਂ ਮੈਂ ਇੱਥੇ ਸਾਂਝੀਆਂ ਨਹੀਂ ਕਰ ਰਿਹਾ ਪਰ ਅੱਧੇ ਕੁ ਘੰਟੇ ਬਾਅਦ ਜਿਹੜੀ ਤਸਵੀਰ ਇਸ ਨੇ ਬਣਾਈ ਉਹ ਹੇਠਾਂ ਵੇਖ ਲਓ। ਰਾਤ ਬਹੁਤ ਹੋ ਚੁੱਕੀ ਸੀ ਤੇ ਮੇਰਾ ਵੀ ਸੌਣ ਦਾ ਵੇਲ਼ਾ ਹੋ ਰਿਹਾ ਸੀ। ਮੈਂ ਸੋਚਿਆ ਕਿ ਕੁਝ ਹਫ਼ਤੇ ਠਹਿਰ ਕੇ ਫੇਰ ਕੋਸ਼ਿਸ਼ ਕਰਾਂਗਾ
ਤੁਹਾਡਾ ਕੀ ਵਿਚਾਰ ਹੈ?
ਜੁਗਸੰਧੀ 